TEBILIN MIDANG

Cipta: Sahrama (Alm)

 

Penembeq

 

Nine:

Pikir-pikir gamaq kakak ndaraq putusne

Bilang malem gamaq kakak de sugul bale

Seneng-seneng gamaq kakak lalo midang

Senine leq bale jari sengsare

 

Nine:

Toes tokol gamak kakak leq jauk malem

Antih side gamaq kakak ulq  bekedeq

Irok aseq gamaq kakak gitaq dirikke

Nangis adeng nyesel memesaq

 

Penyelaq

 

Nine:

Lamun mene gamaq kakak ntan gitak dirikke

Araan atong gamaq kakak jok bale inaqke

Timbang awak jari kurus ate sasar

Engkah te jari saling pikiran

 

Nine:

Bau kangkung gamaq kakak leq sedin pare

Mun sekarung gamaq kakak bau tebuak

Mun de sugul gamaq kakak leman bale

Idap te gantung siq bulu suat

 

Mame:

Ampun maaf gamaq arik entan saq salak

Apen k’uni gamaq arik uwah kedung

Tetu lalok gamaq arik ngaku salak

Iye sine saq aran cobe

LELAH BERANGEN

Cipta: M. Said Alita
Perdana Group Sakra

 

Penembek

Lalo nyelem 2x lek tengak gili
Empak belek 2x paran te batu
Tengah malem 2x ngase sekali
Erok asek 2x inget lek kamu

Penyelak

Bale balak 2x sik kayuk jati

Taok ne tolok 2x buak kenyamen

Penggitan gamak uning k arik sik dalem impi

Lelah lalok 2x ku bande angen

Penyelak

Tali belok 2x isik benang
Jari seser 2x te bau tune
Kamu jaok 2x sik aku renggang
Bekelin paer k uning k arik lalang segare

Penyelak

Rasen oat 2x sik mulen pait

Timak bebabak 2x masih tekaken

Piran bae 2x ite bedait

Betempuh awak uning k arik besopok angen

SELEMBOR ATE

Cipta: M. Said Alita
Perdana Group Sakra

Lamun jeje sak teparan gabah

Lamun teboyak idik kaye arak sebakak

Ku bedede 2x ndek narak dateng

Ku bekayak 2x

sak jari salak

Kubetelah 2x lek dese mamben

Tebau paok idik kaye tengak tengari

Aranke lelah sak pinak de angen

Ndk ku taok idik kaye sak salak jari

Kelak kuluh 2x arak serawak

Lamun tekaken idik kaye sedak perie

Mulen tuduh 2x bagian awak

Sakit angen 2x isik beraye

Araki telu 2x semapge cine

Arak sopok idik kaye sak tebait aik ne

Paran ku tetu tesaling cinte

Tedok 2x idik kaye bilin te merarik