Cipta: Hardy GGR
Penembek'
Mame:
Arak telu gamak Arik sik buak bagu 2x
Betundunan, betundunan entan ne terik
Jok perempatan Aik Emel, gamak Arik teboyak tebu
Ngonek lalok gamak Arik berangen lek kamu 2x
Yak ku ungkapan, gamak Arik endekku semel
Sengak kamu gamak arik, sengak kamu Arik pisakku
Nine:
Masih anget gamak Kakak rasen gerepek tempe 2x
Arak lime, gamak Kakak sak masih katak
Beli kentang gamak Kakak, beli kentang lek Dese Lepak
Masih kinget gamak Kakak pesen Papuk te 2x
Endak sampe, yak merarik kance Pisak
Pelih entan gamak Kakak, dengan toak endek saling sapak
Penyelak'
Mame:
Pete kolo gamak Arik lek Peteluan 2x
Piyak sambel, gamak Arik sik daun lomak
Kayuk belek gamak Arik, kayuk belek lek gawah lauk
Andeng taok gamak Arik sak balak angen 2x
Ndek yak semel, gamak Arik berangen lek Pisak
Laguk yak te kembek gamak Arik, sengak angen wah belek lalok
Nine:
Lek Mayure idik Kakak pete kenyamen 2x
Jeruk sempage, idik Kakak arak due
Pilek paok gamak Kakak, kance due lek taman Narmade
Sebener ne ite Kakak pade berangen 2x
Laguk sengaje, tiang Kakak endek hirauan side
Melengke taok gamak Kakak, seberembe perjuangande
Pengimpet'
Tidak ada komentar:
Posting Komentar